Татарстан авылларын су баса - видео

Елга һәм кырлар тирәсендә урнашкан авыллар язгы ташуның бүген бар көчен күреп, аны үз җилкәсендә тоя. Баздан бәрәңгене алалар, канаулар казыйлар, ишегалларыннан су суырталар.

Су басу турындагы хәбәрләр Буа, Әгерҗе, Чүпрәле, Нурлат - гомумән алганда дистәләп районнан килеп ирешә тора. Социаль челтәрләрдә хәзер нинди генә видео һәм фото юк. Чөнки 2024нең ташуы - дөрестән дә, истә калырлык.

Халык үзе төшергән язмаларны сезгә дә тәкъдим итәбез.