Татарстанда 53 яшьлек "Лада" йөртүчесе капланып һәлак булган

Кичә көндез Мөслим-Әлмәт трассасында 52 яшьлек хатын-кыз «Мерседес»та тизлекне арттырып каршы як полосага чыга һәм «Лада Калина» белән бәрелешә.

Бәрелеш шулкадәр көчле булган, ике машина да юлдан очып чыгып капланган. Алган җәрәхәтләрдән 53 яшьлек "Лада" йөртүчесе урында ук вафат була.

Моннан тыш, әлеге машина пассажиры төрле җәрәхәтләр белән хастаханәгә озатылган, дип хәбәр итә Kazanfirst Татарстан буенча Эчке эшләр министрлыгының матбугат хезмәтенә сылтама белән.

Фото: tatar-inform.ru