Татарстанда торак йортта газ шартлау нәтиҗәсендә ике кеше зыян күргән

Бүген Татарстанның Лаеш районы Усад авылындагы йортларның берсендә газ баллоны шартлау нәтиҗәсендә 64 һәм 68 яшьлек ике ир-ат зыян күргән.

Зыян күрүчеләрне ашыгыч рәвештә РКБга алып киләләр. Берсенең 55% тәне янган, ул реанимациядә. Район башлыгы Илдус Зарипов хәбәр иткәнчә, хәзерге вакытта вакытлыча яшәү урыны карала.