Апас районында килеп чыккан авариядә 4 кеше үлемендә гаепләнүчене кулга алганнар

Казанның Идел буе судында - Апас районында килеп чыккан авариядә гаепләнүченең - тикшерү вакытында кайда булачагын хәл иттеләр. Аны кичә кулга алганнар иде.

Исегезгә төшерәбез, дүшәмбе трассадагы фаҗигадә 4 кешенең гомере өзелде. Монда йөк машинасы светофорда туктап торган автомобильләргә килеп керә. Дүрт машина гармун кебек җыела һәм эчендәге кешеләр кысылып үлә. Һәлак булучыларның икесе - Пенза өлкәсеннән. Тагын бер гаилә - Апас районыннан. Хатыны йөкле булган.

Егет гаебен таныдымы? Суд залыннан - Лиана Бәхтиева репортажы.