Кичә Казанда яңа җылылык рекорды теркәлгән

24 апрельдә Татарстан башкаласында бу дата өчен җылылык рекорды яңартылды, дип хәбәр иттеләр ТР УГМС матбугат хезмәтендә.

Ведомство мәгълүматлары буенча, кичә «Казан» метеостанциясе +24,5 градус тамгасын, «Казан-Аэропорт» авиация метеостанциясе +24,1 градус тамгасын, ә «Казан-Сокол» метеостанциясе +24,4 градус тамгасын теркәгән.

24 апрельдә һава температурасының алдагы абсолют максимумы «Казан» метеостанциясендә 1975 елда теркәлгән һәм +22,8 градус тәшкил иткән. 2023 елда "Казан-Аэропорт" авиация метеостанциясендә бу көнне +22,8 градус теркәлгән.

Фото: TNV.RU