Татарстанда сабыйларга нинди исемнәр кушканнар? Дәүләт, Гаделхан һәм Ива

Узган атнада, 28 апрельдән 4 майга кадәр, Гражданлык хәле актларын теркәү идарәсенең Казан бүлекләрендә 316 бала - 148 малай һәм 168 кыз тууы теркәлгән, дип хәбәр итә Казан мэриясе матбугат хезмәте. 116 пар үз никахларын рәсмиләштергәннәр.

Атнаның иң популяр исемнәр арасында Артем, Максим, Сәмир, Платон, Радмир, Артур, Эмиль, Тимур, Марк, Камил, Эмилия, София, Сәмирә, Аиша, Диана, Ксения, Алисә, Амелия, Мәликә.

Иң сирәк исемнәр - Алхан, Дәүләт, Гаделхан, Хәмзәт, Святослав, Газиз, Фидаил, Георгий, Ива, Николетта, Рэйнала, Агдалия, Зиара, Элана, Фидиля, Настасья, Раниля, Иветта, Рилана һәм Сабрина булган.

Фото: ТНВ