Яшь инспекторлар "Имин тәгәрмәч" республика күләм бәйгесендә көч сынашты

Аларның күбесе Дәүләт автоинспекциясе хезмәткәре булырга хыяллана. Әлеге һөнәрне үзләштерергә теләүче Татарстан укучылары Түбән Камада очрашты. 

Анда тантаналы рәвештә "Кама Артегы" лагерендә "Имин тәгәрмәч" республика күләм бәйгесе ачылды. Катнашучылар өчен 4 көнлек программа әзерләнгән. Бәйгене яшьләр юл йөрү кагыйдәләрен белсен, аларны кечкенәдән үк өйрәнеп үссен өчен оештыралар. 

Малай һәм кызлар конкурста теория буенча белемнәрен, беренче ярдәм күрсәтү осталыгын чарладылар. Яшь инспекторлар тагын нинди сынауларда көч сынаша? Хәбәрчеләребез белеште.