Татарстанда ничек Химиклар көнен билгеләп үттеләр?

Татарстанда бүген Химиклар көнен билгеләп үтәләр. Ул ел саен майның ахыргы якшәмбесенә туры килә һәм язмышын химия тармагы белән бәйләгән һәркем өчен һөнәри бәйрәм булып санала. Бүген төп тантаналар Түбән Камада уза. Монда икеләтә истәлекле көн.

"Сибур" җәмгыяте оешуга 30 ел тулды. Аларны һәм шәһәр халкын котларга Рөстәм Миңнеханов килде. Бәйрәмгә дип тантаналар әзерләнгән. Алар шәһәрнең төрле урыннарында барды. СИБУРның уку-укыту үзәген ачтылар, "Түбән Кама Нефтехим"да булдылар.