"Мин яратам сине, Татарстан!": Кайбыч, Югары Ослан, Чүпрәледә "Безнең ишегалды" программасы буенча башкарылган эшләр

Тапшыруыбызны «Мин яратам сине, Татарстан!» дип аталган сәхифә белән дәвам итәбез. Без еш кына журналистлар, ә сез тамашачы буларак - Республика үсешен, аның үзгәрешләрен бергәләп күзәтәбез.

Яңа объектлар, юллар, ишегаллары ачабыз. Бу юлы хәбәрчеләребез Татарстанның Көньяк-Көнбатыш районнарындагы төзекләндерелгән йорт яны территорияләрен күреп кайтты. Кайбыч, Югары Ослан, Чүпрәле халкы "Безнең ишегалды" программасы буенча башкарылган эшләр һәм әһәмиятле үзгәрешләр турында сөйләде.