Түбән Кама районының элеккеге башлыгы Муллин - судта: ниләр билгеле?

Яр Чаллы суды Түбән Кама районының элеккеге башлыгы Рамил Муллинны - тикшерү барган вакытта кая тотасын хәл итте. Ул муниципалитет белән 2022дән алып 25нче елга кадәр идарә итте.

Муллин ФСБ һәм УБЭП тикшерүеннән соң кулга алынган иде. Ул мошенниклыкта һәм эш вәкаләтләреннән арттырып файдалануда шикләнелә. Тикшерүчеләр әйткәнчә, СВОда хезмәт итәргә кеше җәлеп итүчеләргә түләнә торган акчалар үзләштерелгән. Казнага 35 миллион сумлык зыян салына. Тулырак Луиза Сафуанова сөйләр.