Татарча "Нетфликс": ШАЯН ТВның яңартылган сайты балаларга күп мөмкинлекләр ачты

"Нетфликс"ның татарча варианты диләр аның хакында. Безнең хезмәттәшләребез - Шаян ТВ каналы - балалар өчен мультимедиа платформасын - яңартылган сайтын эшләтеп җибәрде. 

Ул - телеканалның онлайн мәйданы гына түгел, үзенчәлекле интернет киңлеге булачак. Һәм бу юнәлештәге беренче мөһим адым. Монда меңләгән видеоконтентны карап кына калмыйча, үзеңә дә булдыру мөмкинлеге бар. Авторларның зур өлеше - нәниләр үзләре. Ә сайтны файдаланучылар арасында өлкәннәр күп. Әйтик, мәктәптә татар теле дәресләрендә ул иң үтемле куллану әсбабына әйләнергә мөмкин. 

Алия Сабирова бу атнада сайтны өйрәнеп, аның мөмкинлекләрен бәяләде.