"Дуслар җыелган җирдә": ТНВ каналында яңа тапшыру әзерләнә

Бу атнада безнең телеканал яңа һәм зур проектка алынды. Тапшыру "Дуслар җыелган җирдә" дип атала. Бу атнада беренче өлешен төшерделәр.

Студиядә тәүге кунаклар - Кукмара районыннан килгән йөздән артык кеше иде. Итек басучылар, тимер савыт-саба ясаучылар, сыер савучы, агроном, укытучы, эшмәкәрләр... Яңа тапшыруның максаты - урыннардагы җәүһәрләрне, сәләтле шәхесләрне сәхнәгә чыгару, районнарның иктисадый һәм сәнәгать мөмкинлекләрен "дусларча очрашу" форматында тамашачыга җиткерү.

Проект - Марат Әхмәтов җитәкчелегендәге Туган телләрне саклау комиссиясе ярдәме белән тормышка ашырыла. Студиядәге мохитне Алия Хәйретдинова күрде.