Татарстанда һава торышы циклон тәэсирендә кала: Яңгырлар, яшен һәм боз

Татарстанда һава торышы һаман да Урал өстендә урнашкан циклонның тыл өлеше тәэсирендә формалаша. Республикада кыска вакытлы яңгырлар, яшен һәм көчле җил көтелә. Бу хакта ТР Гидрометеорология үзәге хәбәр итте.

Бүген көндез һава температурасы +22…+28 градуска кадәр күтәрелде. Көннең икенче яртысында һәм кич белән кайбер районнарда кыска вакытлы яңгыр, яшен, җилнең 15–20 м/с кадәр көчәюе, урыны белән боз явуы ихтимал.

Якын көннәрдә һава торышында сизелерлек үзгәрешләр көтелми. Республика тотрыксыз һәм уртача җылы һава массасы зонасында калачак.

Иртәгә, 12 июньдә, урыны белән кыска вакытлы яңгырлар һәм яшен көтелә, җилнең тизлеге 15–20 м/с кадәр җитәргә мөмкин. Төнлә температура +11…+16 градуска кадәр төшәчәк, көндез +22…+27 градуска кадәр җылытачак.

Шимбә һәм якшәмбе, 13 һәм 14 июньдә, республикада шулай ук бераз яңгырлар көтелә. Көндез кайбер районнарда яшен һәм 17 м/с кадәр көчле җил булуы ихтимал. Төнлә температура +10…+16 градус, көндез +21…+26 градус булыр дип фаразлана.

ТР Гидрометеорология үзәгенең алдан бирелгән мәгълүматларына караганда, шундый ук һава торышы киләсе атна башында да сакланырга мөмкин.

Фото: ТНВ