Шимбәгә һава шартлары начараю турында кисәтү игълан ителде

Татарстан Гидрометеоүзәге һава шартлары начараю турында кисәтү таратты. 11 июльгә каршы төндә һәм иртән республика буенча урыны белән томан көтелә.

Чикләнгән күрү шартларында машина йөртүчеләрне һәм җәяүлеләрне юлларда аеруча игътибарлы булырга чакыралар.

Юлда хәрәкәт иткәндә дистанцияне сакларга һәм тизлекне һава шартларын исәпкә алып сайларга киңәш ителә.