Татарстанда шторм кисәтүе хәбәр иттеләр

30 июль төнлә һәм көндез Татарстан территориясендә яшен, 15–24 м/с га кадәр көчәйгән көчле җил, көчле яңгыр һәм боз явуы көтелә. Бу турыда Татарстан Гидрометеоүзәге шторм кисәтүе чыгарды.

Гадәттән тыш хәлләр министрлыгы начар һава торышы вакытында тәрәзәләрне ябарга, балконнардан әйберләрне алырга, машиналарны агачлар һәм реклама такталары астына куймаска киңәш итә.

Җил көчәйгәндә өйдә калу яхшырак. Юлларда машина йөртүчеләргә: тизлекне киметү, дистанцияне саклау һәм аеруча игътибарлы булу сорала.

Фото: сгенерировано ИИ