Татарстанда 26 августка каршы төндә томан көтелә

Татарстанның Гидрометеорология һәм әйләнә-тирә мохитне күзәтү идарәсе белгечләре начар һава шартлары турында кисәтү таратты.

26 августка каршы төндә һәм иртән республиканың кайбер районнарында томан төшәргә мөмкин. Ул юлларда күрү мөмкинлеген чикләячәк.

Автомобиль йөртүчеләргә юлларда сак булырга, тизлек режимын һәм тиешле дистанцияне сакларга киңәш ителә. Моннан тыш, һава торышы сизелерлек суытачак.

Фото: ТНВ