Бүген Татарстанда һава +20 градуска кадәр җылыначак

Бүген Татарстанда һава температурасы нибары +15…+20 градус булачак. Республика башкаласында көндез температура +17…+19 градус тәшкил итәчәк.

Гидрометеорология үзәге фаразлавынча, бүген алмашынучан болытлы һава торышы көтелә, соңрак урыны белән кыска вакытлы яңгырлар явачак.

Җил көнбатыштан, төньяк-көнбатыштан исәчәк, аның тизлеге секундына 7–12 метр булачак. Көндез урыны белән җилнең тизлеге секундына 14 метрга кадәр көчәергә мөмкин.

Фото: TNV.RU