15 сентябрьдә Татарстанда томан һәм +21 градуска кадәр җылы һава көтелә

15 сентябрь, сишәмбе көнне, Татарстанда төнлә һәм иртән кайбер урыннарда томан булачак. Сизелерлек явым-төшемнәр көтелми, көндез кайбер урыннарда яңгыр. Җил көнбатыштан исәчәк, тизлеге секундына 5–10 метр тәшкил итәчәк, көндез урыны белән җил 13 метрга кадәр көчәергә мөмкин.

ТР Гидрометеорология үзәге фаразлавынча, алдагы төндә республикада һава температурасы +2…+7 градуска кадәр төшәчәк. Көндез һава +16…+21 градуска кадәр җылыначак.

Казанда сишәмбегә каршы төндә термометрлар +8…+10 градус күрсәтәчәк. Көндез башкалада температура +16…+18 градуска кадәр күтәреләчәк.

Фото: сгенерировано ИИ