Татарстанда икенче көн рәтән "ковид" йоктыручылар саны 31 сакланды

Узган тәүлектә Татарстанда 31 кеше "Covid-19" вирусын йоктырган. 16 кеше хастаханәдә, калганнары үз йортларында дәвалана, дип хәбәр ителә стопкоронавирус.рф порталында.

Шулай ук узган тәүлектә йогышлы авырудан 34 кеше терелгән. Пандемия башланганнан бирле коронавирустан 2010 кеше вафат булган. Узган тәүлектә үлем очраклары теркәлмәгән.

Элегрәк хәбәр ителгәнчә, грипп һәм ОРВИ белән авыручылар саны кимү сәбәпле, Татарстанда хастаханәләрдә битлек режимын гамәлдән чыгарганнар, шулай ук авырулар янына хастаханәләргә килеп йөрергә рөхсәт иткәннәр.

Фото: ТНВ