Татарстанда коронавирус йоктыруның тагын 681 очрагы теркәлгән

Татарстанда бер атна эчендә 20-26 ноябрьдә коронавирус йоктыруның 681 очрагы теркәлгән. Аларның барысы да медицина күзәтүе астында дип хәбәр итте Роспотребнадзорның ТР буенча идарә матбугат хезмәте.

Ведомствода барлык гражданнарга, бигрәк тә өлкәннәргә, хроник авырулары булган кешеләргә, шәхси гигиена кагыйдәләрен үтәргә, хәле начарланган очракта өйдә калырга һәм медицина ярдәме сорап мөрәҗәгать итәргә кирәклегенә игътибар иттеләр.

Моннан тыш, җәмәгать урыннарында, транспортта, коллективларда, медицина оешмаларына һәм социаль учреждениеләргә барганда битлек режимын саклау киңәш ителә.

Фото: ТНВ