Татарстанда 390 кешедә коронавирус ачыкланган

Татарстанда 29 гыйнвардан 4 февральгә кадәр коронавирус йоктыруның 390 очрагы теркәлгән. Бу хакта Роспотребнадзорның республика идарәсе матбугат хезмәтендә хәбәр иттеләр.

Барлык авырулар да медицина күзәтүе астында. Табиблар шәхси гигиена кагыйдәләрен үтәргә һәм хәлегез начарланган очракта хастаханәгә мөрәҗәгать итәргә киңәш иттеләр.

Элегрәк Татарстан халкына пневмонияне дәвалау чараларын искә төшерделәр.

Фото: freepik.com