КФУда беренче тапкыр "Татарча нейро-фестиваль" узды

Казан федераль университетында беренче тапкыр "Татарча нейро-фестиваль" узды. Анда ясалма фәһем ярдәмендә клиплар ясау, төсе чыккан фотоларны яңартып, җанландыру серләре белән уртаклашалар.

Биредә тәҗрибәле журналистлар һәм мөхәррирләр чыгыш ясады. Фестиваль "Төрки телле медиа-даирәдә - ясалма фәһем" дип атала. Ул -- яңа магистрлык программасының бер өлеше булачак. Студентларны әлеге кушымтада профессиональ дәрәҗәдә эшләргә өйрәтәләр. Укулар сентябрьдә башлана. Теманың дәвамы- Динә Нәҗметдинова репортажында.