Быел Татарстан вузларында 23 меңнән артык бюджет урыны каралган! Кайсы ВУЗда күбрәк?

Быел Республиканың 45 ВУЗында абитуриентлар өчен 23 меңнән артык бюджет урыны булачак. Иң күбе - педагогика, информатика, электр һәм җылылык энергетикасы, химия технологияләре, машина төзелеше юнәлешләренә бирелә. Ә түләүле урыннарны ике тапкырга киметкәннәр. 

Кабул итү кампаниясенең үзенчәлекләре хакында бүген Хөкүмәт йортында ректорлар сөйләде. Бюджет урыннарының 60 проценты төп өч уку йорты - КФУ, КНИТУ һәм КАИга туры килә.