КФУда диплом көне: 230 яшь белгеч, ТНВ белән уртак медиамәктәп нәтиҗәләре

Алар татар журналистикасын яңа үрләргә күтәрергә тели. КФУның филология һәм мәдәниятара багланышлар институтында чыгарылыш кичәсе узды. Дипломнарны 230 бакалавр һәм магистрга тапшырдылар.

Аларның 25е уку программасы кысаларында ТНВ медиалабораториясен тәмамлады. Ел буе студентларга лекцияләрне танылган журналистлар, тәҗрибәле операторлар, продюсерлар һәм режиссерлар укыды. Егетләр һәм кызлар контент ясарга, фейкларны танырга, кадрда һәм командада эшләргә өйрәнде. Яңа проектны Татарстан Рәисе каршындагы туган телләрне саклау комиссиясе хуплый.

Медиалабораториядә белем туплаучылар алдында зур юл ачыла. Чөнки хәзер күбесе безнең хезмәттәшләр рәтендә. Алар белән якыннан Сиринә Васильева танышты.