Укытучылар йортында мөгаллимнәргә ничек булышалар?

Казанда Укытучылар йорты ачылды. Ул тәҗрибәле белгечләрне дә, мөгаллим булырга укучы студентларны да җыя торган урын һәм шушындый форматта - Россиядәге бердәнбер үзәк булачак. Казан мәктәпләрендә 17 мең укытучы эшли. Монда аларның һәммәсе белемен арттыра ала.

Төп 4 юнәлеш буенча эшләячәкләр. Лидерлык үзәгендә мәктәп директорлары идарә итәргә һәм кадрлар тупларга өйрәнәчәк. Тикшеренүләр залында заманча мәгариф технологияләре, их яхшы тәҗрибәләр белән таныштырачаклар. Укытучылар йортындагы заманча мөмкинлекләрне Гөлназ Сәйфетдинова күреп кайтты.