Казан белән Краснодар арасында янә туры авиаэлемтә урнаштырыла

28 сентябрьдән Казаннан Краснодарга самолет оча башлый. Бу хакта Казан шәһәре матбугат хезмәте хәбәр итә. 

Һава судносы Татарстан башкаласыннан атнага ике тапкыр очачак. Дүшәмбе көнне очып китү вакыты – сәгать 10:00 гә, ә очып килү вакыты сәгать 16:10 га билгеләнгән. Җомга көннәрендә самолет сәгать 10:10 да очып китәчәк һәм сәгать 16:20 дә кузгалачак.

Рейсларга Airbus A320 һава суднолары билгеләнгән. Самолет 158 пассажирга исәпләнгән.

Исегезгә төшерәбез, очышлар 2022 елның февраль азагыннан Краснодар аэропорты иминлекне саклау нияте белән туктаткан иде.

Фото: ТНВ, Алмаз Шиһабетдинов