Венчур форумы Казанда стартаплар һәм инвесторларны бергә җыйды

Казанда Россия венчур форумының эшлекле программасы башланып китте. Пленар утырышта — тармакны борчыган проблемалар хакында фикер алышсалар, күргәзмәдә - стартапларны, ягъни күптән түгел тормышка ашырыла башлаган бизнес идеяләрне тәкъдим итәләр.

Шушында ук инвестор табып, проектларны җәелдерү хакында килешәләр. Бу — форумның төп үзенчәлеге. Ачылыш тантанасында Рөстәм Миңнеханов белән Россия Президенты ярдәмчесе Андрей Фурсенко, Россиянең фән һәм югары белем министры Валерий Фальков катнашты. Рүзәл Шәрипов репортажын карыйк.