Казанда метроның икенче линиясе төзелешенә өстәмә 500 млн сум бүлеп бирелә

Казанда «Фучик» станциясеннән «Академик Сахаров» станциясенә кадәр метроның икенче линиясе участогын төзүгә өстәмә 500 млн сум бүлеп биреләчәк. Акчалар Татарстан бюджеты хисабыннан бирелә, бу хакта дәүләт сатып алулары сайтындагы тендерда әйтелә.

Подрядчыга әзерлек һәм җир эшләрен башкару, нигезләр ясау, тоннельләр казу, тимер юл салу һәм эчке электр-техник системаларны урнаштыру бурычы куела. Заказчы — «Главстрой РТ».

Искәртеп узыйк, май аенда бу төзелешкә инде 1,5 млрд сум бүлеп бирелгән иде.

Фото: tnv.ru