Татарстанда быел 813 күп фатирлы йортка капиталь ремонт ясала, тик аларда 900гә якын кимчелек ачыклаган

Төтен чыгу юлларын тышкы яктан гына яңарталар, диварларны тиешенчә ныгытмыйлар. Татарстанда быел 813 күп фатирлы йортка капиталь ремонт ясала. Тик республиканың дәүләт торак инспекциясе тикшерү барышында аларда 900гә якын кимчелек ачыклаган.

Бу хакта журналистларга Хөкүмәт йортында сөйләделәр. Быел капиталь ремонт программасы буенча җилләтү системаларын да яңартачаклар. Исегезгә тәшерәбез, ел башыннан республикада сөрем газы белән 36 кеше агуланган. Аларның 13ен коткарып кала алмыйлар.