Буа театры яңа биналы булды - видео

Буа театры яңа биналы булды. Район мәдәният йортын төзекләндереп, аны бүген иҗат коллективына кулланылышка тапшырдылар. Эшләр "Мәдәният" илкүләм проекты буенча алып барыла. 100 еллык тарихы булган театр өчен бу - зур вакыйга!

Ачылыш тантанасына Республика Рәисе Рөстәм Миңнеханов килде. Ул Татарстанның зур шәһәрләрендә генә түгел, районнарда да барлык яшәүчеләр өчен уңай шартлар булдырылуын әйтә.

Федераль проект буенча соңгы берничә елда республикада 4 театр коллективы яңа бинада эшли башлаган.