Чаллыда фаҗига: өч яшьлек бала тәрәзәдән егылып төшеп һәлак булган

Ял көннәрендә Чаллыда берничә фаҗигале хәл килеп чыкты. Шимбә - өч яшьлек кыз бишенче каттан егылып төшеп һәлак булды. Фаҗига — 65нче комплексның ун катлы йортларының берсендә килеп чыга.

Шул вакытка билгеле булганча, бала өйдә - мәктәптә укучы абыйсы белән генә калган. Тикшерү комитеты җинаять эше кузгатты.

Фаҗигаларны булдырмый калу өчен, Чаллы хәйриячеләренең берсе тәрәзәгә урнаштыра торган йозакны бушлай өләшә башлаган. Луиза Сафуанова репортажы.