Миңнеханов: БПЛАның берсе торак йортка төшкән, өч кеше зыян күргән

Татарстан Республикасы Рәисе Рөстәм Миңнеханов МАКС каналында хәбәр итүенчә, бүген иртән республикасының Кама аръягы төбәгенә дошманның пилотсыз очкычлары белән массакүләм һөҗүм ясалган.

Аның кушуы буенча вакыйга урынына республика Премьер-министры чыгып киткән. Һөҗүмгә дучар булган предприятиеләр нәтиҗәләрне оператив рәвештә бетерә, җитештерү процесслары туктатылмаган. Барлык кирәкле хезмәтләр урыннарда эшли.

БПЛАларның берсе торак йортка эләккән. Яшәүчеләр эвакуацияләнгән. Хәзерге вакытта якындагы лагерь базасында вакытлыча урнаштыру пункты әзерләнә. Өч зыян күрүчегә кирәкле медицина ярдәме күрсәтелә.

Рәис кушуы буенча район җитәкчелеге нәтиҗәләрне бетерү һәм эвакуацияләнгән кешеләр өчен шартлар тудыру буенча эшли. Аларга кайнар ризык, су һәм медицина ярдәме оештырыла.

Фото: ТНВ