“Әлбәдән” фестивалендә Брест кирмәнен саклау тарихын күрсәттеләр

Питрәч районында ике көн барган "Әлбәдән" фестивале - быел Россиядә иң колачлы тарихи реконструкцияләрнең берсе булып танылырга мөмкин.

Фестивальгә Республика Рәисе Рөстәм Миңнеханов килде. Ул хәрби күргәзмәне карады, реконструкторлар белән аралашты һәм бу чара - "безнең Бөек Ватан сугышы тарихына ихтирамны чагылдыра", диде. Быел Әлбәдән авылында Брест кирмәнен саклау тарихын күрсәттеләр һәм анда катнашкан якташыбыз, Советлар Союзы Герое Петр Гавриловны искә алдылар. Быел аның каһарманлык тарихына - 85 ел булды.