Марий Эл Республикасында юл һәлакәтендә үлгән дүрт яшүсмерне җирләделәр

Кичә күрше Марий Эл Республикасында - Волжски шәһәрендә юл һәлакәтендә үлгән дүрт яшүсмерне җирләделәр. Алар пәнҗешәмбе төнендә Яшел Үзәндәге авариядә һәлак булдылар.

Барысына да 13 яшь иде. Җиде кеше утырган машина юлдан очып чыгып агачка бәрелә һәм тулысынча янып бетә. 6 кеше янып үлә. Исән калган бердәнбер яшүсмер - хәзер Мәскәү хастаханәсендә. Машина йөртүчене Волжскида, тагын бер 21 яшлек ир-егетне Түбән Камада җирләделәр. 50 мең халкы булган кечкенә генә шәһәр өчен бу һәләкат - тетрәндергеч фаҗига. Ул ата-аналар өчен гыйбрәт булырлык һәм һәркемне уйланырга, нәтиҗәләр ясарга мәҗбүр итте.