Яр Чаллыда тугыз яшьлек кыз ишегалдында уйнаганда башын ярган

Яр Чаллыда тугыз яшьлек кыз ишегалдында уйнаганда башын ярган. Аның әти-әнисе уен мәйданчыгы кырына куелган бордюр ташлары артык биек дип саный.

 Гаилә полициягә мөрәҗәгать иткән һәм суд-медицина экспертизасы уздырганнар. Хәзер тикшерү нәтиҗәсен көтәләр. Әлеге балалар мәйданчыгы узган ел «Безнең ишегалды» программасы буенча төзекләндерелгән булган. Шәһәр хакимиятендә эшләр расланган проект нигезендә башкарылды дип баралар.

Таш чыннан да норматив буенча куелганмы? Башка ишегалларында алар ничек урнаштырылган? Сорауларга җавапны Луиза Сафуанова эзләде.