Казан Кремлендә Марат Әхмәтов хезмәт алдынгыларына дәүләт бүләкләре тапшырды

Бүген Казан Кремлендә Татарстан парламенты рәисе вазифаларын башкаручы Марат Әхмәтов хезмәт алдынгыларына дәүләт бүләкләре тапшырды. Туп сараена 48 кеше чакырулы иде. Араларында 70 ел нефть-химия тармагында эшләүчеләр, 50 ел буе балаларга милли тәрбия бирүчеләр, 5 бала тәрбияләп үстерүчеләр дә бар.

Бүгеннән алар - федераль һәм республика дәрәҗәсендәге бүләк ияләре. Марат Әхмәтов сүзләренчә, үз хезмәтләре белән Татарстанның рухи һәм социаль-икътисади үсешенә бәяләп бетергесез өлеш кертәләр. Тантанада Рүзәл Шәрипов та булып кайтты.