Кама Тамагында нинди үзгәрешләр көтелә? "Бердәм Россия" партиясенең чираттагы очрашуы үтте

Татарстан районнарында "Бердәм Россия" партиясенең "Нәтиҗәгә эшлибез" дигән хисап форумы бара. Чираттагы очрашу Кама Тамагында үтте.

Фирка вәкилләре монда яшәүчеләр белән Халык программасының 5 еллык эшчәнлегенә йомгак ясый. Кама Тамагы - ике зур елга кисешкән урында урнашкан. Табигате бай. Шуңа күрә монда соңгы елларда туристлык инфраструктурасы җәелдерелә.

М12 кебек олы юлларның салынуы үсеш мөмкинлекләрен арттырган.