«Ак Барс» хоккей клубы Алексей Пустозеров белән килешүне озайтты

Казанның «Ак Барс» хоккей клубы 26 яшьлек һөҗүмче Алексей Пустозеров белән килешүне озайтты.

Яңа контракт 2026/27 сезоны ахырына кадәр исәпләнгән. Узган сезонда форвард «барслар» өчен 58 матч уздырды һәм 26 очко җыйды (12 гол + 14 нәтиҗәле тапшыру).

Алексей Пустозеров Казан клубына 2024 елда күчте. Бу вакыт эчендә аның исәбендә 93 матчта 37 очко бар.

Фото: ak-bars.ru