Каһарман очучы: Татарстан егете Тимур Гыймранов истәлегенә | Адымнар

СВОда катнашып Россия Герое исеме алган якташларыбыз быел 18гә җитәргә мөмкин. Оборона министрлыгы - очучы, Татарстан егете Тимур Гыймрановка вафатыннан соң Кызыл йолдыз бирү өчен әзерлек алып бара.

28 яшьлек гвардия капитаны мартта хәрби бурычын үтәгәндә һәлак булган. Ул - СВОга беренче көннән үк эләгә. Чөнки хәрби очучы булып хезмәт иткән. Ел башында КА-52 вертолетында аның экипажын ДНР чигенә - дошманның яшерен урыннарын юк итәргә җибәрәләр. Бурычны үтәп кайтканда - очкычка дрон һөҗүм итә. Тимур яна башлаган машинаны ялан кырга утырта, исән-сау чыгалар. Әмма икенче дрон куып тотып, барысының гомерен өзә.

Килеп чыккан хәл турында военкорлар шунда ук язып чыга, ә экипаж командиры - якташыбыз, татар егете икәне киң җәмәгатьчелеккә күптән түгел билгеле булды. Люция Нотфуллина каһарман милләттәшебез турында истәлекләр туплады.