Язмыш һәм ярыш: Абилимпикс - көчле рухлы СВО ветераннарын Казанга җыйды | Адымнар

Татарстанда - СВО ветераннары арасында "Абилимпикс" чемпионаты башланды. Аны - авыр тән яралары алган, әмма сыгылып төшмәгән, иленә тугры хезмәте белән файда китерергә һәм алга омтылучыларның һөнәри ярышы, диләр. Әлбәттә, җан ярасы алучылар да бар. Ә мондый очрашулар - үзе кебекләр белән аралашырга, уртак темаларга сөйләшергә мөмкинлек бирә. Алар бер-берсенең СВОдан кайткач, инвалидлык бн яңа тормыш рәвешенә җайлашуын күрә, заманча җиһазларда эшләп карап, тормыш алып бару өчен яңа һөнәр үзләштерә.

Әйтик, узган ел чемпионатта катнашкан ир-егетләрнең 85 проценты эшкә урнашкан. Үз бизнесларын ачып, хәтта башкаларны эшкә алалар.

Татарстанда хәзер якынча 3 мең ярым СВО ветераны бар. Ярышларда Республиканы 126 егет тәкъдим итүен исәпкә алсаң, һәр 30нчы ветеран катнаша дигән сүз. Чемпионат Владаимир Путин карары буенча һәм Россия күләмендә уздырыла. Катнашу өчен барлык төбәкләрдән хәрби ветераннар җыелды.