Габдулла Тукайның 140 еллыгы уңаеннан Фәннәр академиясендә конференция узды

Киләчәктә Тукай премиясенә - халыкара статус бирергә, бөек шагыйрь исемендәге медаль булдырырга һәм аңа багышлап фильм төшерергә телиләр.

Әлеге фикерләр бүген Фәннәр академиясендә - Габдулла Тукайның 140 еллыгы уңаеннан оештырылган конференциядә яңгырады. Аның ачылышында Дәүләт Советының Мактаулы рәисе Фәрит Мөхәммәтшин катнашты. Җыенга Россия төбәкләре, Казахстан, Кыргызстан, Төркиядән галимнәр һәм җәмәгать эшлеклеләре килде.

Алар шагыйрьнең иҗади мирасын өйрәнүчеләр. Конференция кунаклары белән хәбәрчебез Люция Нотфуллина аралашты.