Татар дөньясы зур югалту кичерә: Ташкентта җәмәгать эшлеклесе Рим Гыйниятуллин белән хушлаштылар

Татар җәмәгатьчелеге өчен зур югалту. 82 яшендә Ташкентта - татар иҗтимагый үзәгенең хөрмәтле рәисе Рим Гыйниятуллин вафат булды. Аны бүген соңгы юлга озаттылар.

Үзбәкстанда төрле дәрәҗәле вазифаларда эшләгән милләттәшебез - мелиорация һәм су хуҗалыгы министры, Үзбәкстан хөкүмәтенең премьер-министры урынбасары була.

СССРның иң югары бүләге - Ленин орденына лаек шәхес ул.Хезмәт Кызыл Байрагы ордены, Үзбәкстанның дәүләт бүләкләренә ия. Без - Рим аганы милләт дип җан атып яшәгән шәхес буларак та белә идек.