140 еллык алдыннан зур вакыйга: Тукай иҗатының 6 томлы русча академик басмасы дөнья күрде

Без бу атна ахырында Габдулла Тукайның 140 еллыгын билгеләп үтәчәкбез. Казанда аның иҗатына багышланган 6 томлы рус телендәге академик басма дөнья күрде.

Бүген аны киң җәмәгатьчелеккә тәкъдим иттеләр. Китапны Галимҗан Ибраһимов исемендәге Тел институты әзерләгән. Анда шагыйрьнең публицистик иҗаты тулысынча урын алган. Моңа кадәр аның 3 тән бер өлеше генә рус теленә тәрҗемә ителгән була. Ул тәрҗемәләрдә дә төгәлсезлекләр табылган. Бүген яңа китапларны Гөлназ Сәйфетдинова кулына алды.