Татарстанда "Пилотсыз очкыч куркынычы" режимы кертелде

Татарстанда 07:17 сәгатьтән «Пилотсыз очкыч һөҗүм итү куркынычы» режимы гамәлгә кертелде. Бу хакта Россия Гадәттән тыш хәлләр министрлыгы мобиль кушымта аша хәбәр итте.

Моннан тыш, 08:29дан Казан халыкара аэропорты өчен һава судноларын кабул итү һәм чыгару буенча вакытлыча чикләүләр гамәлгә керде.

09:33 сәгатьтә БПЛА һөҗүме янавы турында кисәтү Әлмәт, Лениногорск һәм Бөгелмәгә кагылды.

Фото: ТНВ