Казанда «Тарихта без эзлебез» республика конкурсына йомгак ясалды

Гаилә, мәхәббәт һәм тугрылык көне алдыннан башкалада "Тарихта без эзлебез" республика конкурсына нәтиҗә ясадылар. Финалга Теләче, Түбән Кама, Нурлат, Әгерҗе, Алексеевск, Кайбыч районнарыннан 6 гаилә узган иде.

Алар төрле милләт вәкилләре. Кайберләренең нәсел агачларында 13әр буын исәпләнә. Араларында укытучылар, фән эшлеклеләре, дин әһелләре, умартачылар бар. Аларның гаилә тарихлары белән Татарстан Дәүләт Советы рәисе вазифаларын башкаручы Марат Әхмәтов танышты. "Сез илебезнең терәге һәм өметле киләчәге" ди ул. Җиңүче исеменә кемнәр лаек булды? Инзилә Хөсәенова репортажында.