Татарстанның Мамадыш районында юл-транспорт һәлакәтендә дүрт кеше һәлак булган

Татарстанның Мамадыш районында «Мамадыш — Кукмара — Ишки» автомобиль юлында «Лада» йөртүчесе тизлекне арттырган һәм алда баручы арбалы тракторга бәрелгән.

Авария нәтиҗәсендә җиңел автомобиль йөртүчесе һәм өч пассажиры алган җәрәхәтләрдән урында ук вафат булган, дип хәбәр иттеләр Татарстан прокуратурасы матбугат хезмәтендә.

Һәлакәтнең сәбәпләрен ачыклау өчен урынга район прокуроры Артур Князев чыккан. Процессуаль тикшерү барышы прокуратура контроленә алынган.

Фото: прокуратура РТ