Быел Республика көненә багышланган нинди чаралар узачак?

Быел Республика көненә багышланган чаралар ике көн дәвамында - шимбә һәм якшәмбе уздырылачак. Аның программасы белән бүген Хөкүмәт йортында таныштырдылар. Казанга иң зур бүләк - Кабан күле яр буен төзекләндерүдән соң ачачаклар.

Быел гармунчылар парадын да шунда оештыралар. "Казан" гаилә үзәге янында ел да күреп гадәтләнгән концерт - яңа форматта, фестиваль буларак үтәчәк. Шулай ук, башкала үзәге буйлап - мотоциклчылар узачак, ипподромда - ат чабышы, Иске татар бистәсендә Печән базары гөрлиячәк. Бәйрәм афишасын Инзилә Хөсәенова белеп кайтты.