Республика көнендә Казан ипподромында зур ат чабышлары узды

Республика көнендә Казан ипподромында - иң җитез атларны, иң оста җайдакларны ачыклыйлар. Иң дәрәҗәле бүләк - Татарстан Рәисе призы. Аның өчен быел 18 җайдак һәм чабышкы көч сынаша. Бүләк фонды - 5 миллион сум.

Моннан тыш, Минтимер Шәймиев кубогына чабышлар, Берләшкән Гарәп Әмирлекләре Президенты бүләгенә ярышлар узды. Стартка - татар, гарәп, чиста токымлы атлар чыкты. Ипподромдагы мохит Алия Сабирова репортажында.