Владимир Путин: Россия Күчмә халыклар уеннарын Казанда кабул итәргә әзер

“Күчмә халыкларның бөтендөнья уеннарын 2028нче елда Россия - Казанда үткәрергә әзер”. Бүген Президент Владимир Путин Кыргызстан Республикасына рәсми сәфәре барышында шулай дип белдерде.

Ә бу илнең җитәкчелеге - зур чараны оештырырга һәръяклап ярдәм күрсәтергә әзер икәнлекләрен әйтте. Бишкәктә күчмә халыклар уеннары кичә кичен ачылган иде. Анда Татарстан Рәисе Рөстәм Миңнеханов шәхсән катнашты. Бүген исә, спортчылар ярыш мәйданнарына чыкты. Безнең Республикадан Россия җыелмасы составында 8 егет катнаша.