Мамадыш шәһәренең 245 еллыгы уңаеннан шәһәрдә Дан аллеясы ачылды

Мамадыш шәһәренең 245 еллыгы уңаеннан шәһәрдә Дан аллеясы ачылды. Ул - каланың тарихи үзәгендә - Совет урамында урнашкан. Мемориаль комплекста район үсешенә зур өлеш керткән 1 300дән артык кешенең исеме урын алган.

Алар арасында Татарстанның беренче Хезмәт Герое да бар. Юныс Якупов әлеге дәрәҗәле исемгә 1934нче елда ук лаек булган. Монда 19 нчы гасыр ахыры -20 нче гасыр башында дөнья сәхнәләрен тоткан опера җырчысы Николай Фигнерның сыны да урнаштырыла.